Fundación ONCE-ren babesa
Aurtengo apirilean, ONCE Fundazioaren desgaitasuna duten pertsonei zuzendutako proiektuetarako laguntzetara aurkeztu ginen, eta jakinarazi nahi dizuegu aldeko ebazpena jaso dugula. Laguntza honen helburua da erakundearen lokalak egokitzea, altzariak eta ekipamendua erostea. Horren bidez, irisgarritasuna hobetu, segurtasunean eragin eta gure fundazioaren zerbitzua hobetu eta aberastuko duten materialak eskuratu nahi ditugu, betiere ahalik eta arretarik onena eskaintzeko.
Laguntza honi esker, honako hauek eskuratuko ditugu:
-Ordenagailu berri bat gure profesionalen lana errazteko.
-Burlatako lokalaren segurtasuna hobetzea, eskaileren sarbidean ate bat jarriz.
-Azpilagañako lokalaren irisgarritasuna hobetzea, gaur egun dugun igogailuaren ordez ibilbide laburreko jasogailu bertikal bat jarriz.
-Gure zentzumen-jarduera inklusiboetarako proiektore interaktibo sentsorial omiVISTA berria eskuratzea.
Dagoeneko, lehenengo biak instalatuta daude, eta urteko azken hilabeteetan gainontzeko biak izatea espero dugu. Oso pozik eta eskertuta gaude ONCE Fundazioak emandako babesagatik.
