Bitartekotza artistikoak (Ciclos efímeros)

Duela hilabete batzuk Ciclos efímeros-ei buruz hitz egin genizuen, Atena Konpainia Artistikoaren proiektu berria. Sorkuntza-prozesu honetan bitartekotza artistikoak egingo ditugu egoitza eta hezkuntza zentroekin, eta astelehen honetan hasi ginen Irunberriko San Isidro egoitzako talde batekin.
Lehendabizi, proiektua eta gai nagusia aurkeztu genuen: denbora. Horretarako, aurkezpen-proposamena mugimendura eraman zen, “lidergo-erronda” bat eginez, non pertsona bakoitza mugimendu baten bidez agertzen den.

Ondoren, denborari buruzko irudiekin lan egin dugu, zer iradokitzen zieten hausnartzeko. Transmititu zituzten emozioak eta oroitzapenak materialen bidez sinbolizatu zituzten (zapikin), eta “oroitzapenen katea” egin zuten, emozioei eta sentimenduei beste forma bat emateko. Lehen topaketa hau interesgarria izan da, eta saio honetan ateratako esaldi hauek nabarmendu nahi ditugu:
“Denbora polita da; denbora motel igarotzea gustatzen zait, horrela esaten duena bereganatzen baituzu, denborak gauza politak esaten ditu, hitz egiten digu”
“Ez dut inoiz ahazten, ahaztu egiten dut ez dela ahazten”

 Proiektu hau Nafarroako Kutxa Fundazioaren eta “la Caixa” Fundazioaren Innova Programaren parte da, eskerrik asko zuen laguntzagatik